Fjölbreytt dagskrá í Sesseljuhúsi í sumar

lindaUncategorized

Sesseljuhús – umhverfissetur mun standa fyrir röð fræðslufunda í allt sumar um efni sem tengjast umhverfismálum.
Fundirnir hefjast klukkan 13:00, þeir eru öllum opnir og er aðgangur ókeypis.

Fyrsti fyrirlesturinn er núna á laugardaginn 5. júní þar sem Benedikta Jónsdóttir, heilsuráðgjafi fjallar um hvernig sniðganga megi kemísk efni í umhverfinu s.s. í matvælum, snyrtivörum og hreinlætisvörum. Mjög áhugaverður fyrirlestur.

Verið hjartanlega velkomin.

Dagskrá:
5. júní
Hvernig á að sniðganga kemísk efni – Benedikta Jónsdóttir, heilsuráðgjafi fjallar um hvernig sniðganga megi kemísk efni í umhverfinu s.s. í matvælum, snyrtivörum og hreinlætisvörum.

13. júní
Dagur hinna villtu blóma – Sigurður H. Magnússon , Fil.Dr. plöntuvistfræðingur fer með gesti Sólheima í fræðslugöngu. Þessi dagur er haldinn á Norðurlöndum í byrjun sumars ár hvert til að fræða almenning um villtar plöntur. Fræðsluganga fyrir alla fjölskylduna.

19. júní
Landslagið með gleraugum jarðfræðingsins – Jón Eiríksson, jarðfræðingur við Raunvísindadeild Háskóla Íslands mun fjalla um jarðfræðina á svæði Sólheima.

26. júní
Líffræðilegur fjölbreytileiki – Hildur Vésteinsdóttir, MSc. sérfræðingur fjallar um mikilvægi þess að viðhalda líffræðilegum fjölbreytileika.

27. júní
Fræðsluganga um íslenskar lækingajurtir – Anna Rósa Róbertsdóttir B.Sc., Dip.Phyt, MNIMH grasalæknir fer með fólk í fræðslugöngu um Sólheima og kynnir íslenskar lækningajurtir.

10. júlí
Fuglaskoðun – Jóhann Óli Hilmarsson, fuglafræðingur og ljósmyndari, fjallar um fugla í landi Sólheima og fer með gesti í fuglaskoðunarferð um svæðið. Fræðsluganga fyrir alla fjölskylduna.

17. júlí
Vistvæn tækni – Andri Ottesen framkvæmdastjóri Carbon Recycling International fjallar um vistvæna tækni og vistvænar áherslur í atvinnuuppbyggingu.

7. ágúst
Hagnýting íslenskra jurta – Einar Logi Einarson grasafræðingur fjallar um tínslu og vinnslu íslenskra jurta.

21. ágúst
Umhverfisvæn ferðaþjónusta – ferðaþjónusta framtíðarinnar – Guðrún Bergmann fjallar um umhverfisvæna ferðaþjónustu.

28. ágúst
Áhrif eldgossins í Eyjafjallajökli á umhverfið – Rannveig Guicharnaud, M.Sc. jarðvegsfræðingur, fjallar um áhrif eldgossins í Eyjafjallajökli á umhverfið.