Íslenskar lækningajurtir

lindaTilkynningar og auglýsingar

Fræðslufundur um íslenskar lækningajurtir verður haldinn  í Sesseljuhúsi umhverfissetri á laugardaginn kl. 13.00.

 

Þriðji og síðasti fræðslufundur sumarsins verður haldinn í Sesseljuhúsi á laugardaginn kemur kl. 13.00. Þar mun Jón E. Gunnlaugsson áhugamaður um nýtingu jurta til heilsueflingar kynna íslenskar lækningajurtir, en áhugi á nýtingu lækningajurta til heilsueflingar hefur farið vaxandi að undanförnu. Fyrst verður kynning í Sesseljuhúsi umhverfissetri og svo verður farið út í náttúruna að skoða helstu jurtir sem við eigum í túnfæitinum og geta nýst okkur.

Fundurinn er hluti af fræðslufundaröðinni Lesið í landið sem Sesseljuhús heldur í samstarfi við Fuglavernd og Jarðvísindastofnun Háskóla Íslands. Boðið var upp á náttúruskoðun þrjá laugardaga á vormánuðum þar sem kennt er að lesa í landið og þegar hafa verið haldnir fræðslufundir um jarðfræði og fugla.

Allir eru velkomnir á fræðslufundi Sesseljuhúss umhverfisseturs og er aðgangur ókeypis.

Við minnum einnig á fjölbreytt sýningahald í Sesseljuhúsi umhverfissetri á Menningarveislu Sólheima. Nánari upplýsingar um sýningarnar og dagskrá Menningarveislunnar má nálgast á www.sesseljuhus.is