Íþrótta og leikjanámskeið í sumar

lindaFréttir

Sólheimar ætla að bjóða upp á íþrótta og leikjanámskeið í sumar, styrkt af Grímsnes og Grafningshrepp. Námskeiðin eru án gjalds og opin öllum börnum frá 6 ára aldri á Sólheimum. Íþrótta og leikjanámskeið er hálfan daginn, frá 13,00-16,00 ( mæting hjá Sólheimahúsi ) og er hvert námskeið um hálfsmánaðar langt (börn úr sveitarfélaginu eru velkomin svo lengi sem rúmast á hverju námskeiði). 

Námskeið 1. 9 júní – 20. júní,
námskeið 2. 23. júní–- 4. júlí,
námskeið 3. 7. júlí – 18. júlí,
námskeið 4. 21. júlí -11. ágúst.

Börnin eru velkomin á fleiri en eitt námskeið, námskeiðum er skipt niður, til að hafa byrjun og enda fyrir sem flesta, inn koma sumarfrí og fleira.

Vinsamlegast gætið þess að börnin séu klætt eftir veðri og komi með viðeigandi aukafatnað, regnföt og stígvél, við látum ekki rigninguna stoppa okkur!

Allir eiga að koma með holt og gott nesti, samloka, ávöxtur og drykkur.

Allt gos og sælgæti er stranglega bannað.

Á blíðvirðis dögum er m.a. farið í sund, nauðsynlegt að hafa aukaföt og sundföt alltaf til taks.

Umsjónamaður er sami og í Fyrra hún Kolbrún Fjóla sem er Íþróttakennara -nemi frá Laugavatni

Sími hjá henni er 845-7242.

Sendið mér, á valgeir@solheimar.is og einnig miða með barninu fyrsta daginn

Nafn, aldur barns, kennitölu, heimilisfang og farsímanúmer aðstandanda. Það er afar áríðandi að Kolbrún Fjóla fái upplýsingarnar strax.

Við bjóðum börnum sem eru í heimsókn hér á Sólheimum hjartanlega velkomin á leikjanámskeiðið svo og börnum sem búa í Grímsnes og Grafningshreppi ef og á meðan pláss leyfir. Hringið endilega í Kolbrúnu eða sendið póst á Valgeir ef þið getið nýtt ykkur þessa þjónustu.

Kveðja

Félagsmálafulltrúi