Leikhópurinn Lotta

lindaTilkynningar og auglýsingar

Föstudaginn 14. ágúst mun Leikhópurinn Lotta vera í Sólheimum með nýjustu leiksýningu sína Rauðhettu. Sýnt verður á túninu við Sólheimahúsið(gamla húsið) og hefst sýningin klukkan 18:00.

 

Sýnt er utandyra og er því um að gera að klæða sig eftir veðri og taka með sér teppi til að sitja á og hlýja sér ef kalt er í veðri.

Við erum alltaf með sérstakt verð á miðunum þegar við erum á Sólheimum. Allir fá miðann á 1000 krónur, börn og fullorðnir. Rukkað á staðnum…

Verkið skrifaði Húsvíkingurinn Snæbjörn Ragnarsson og er það byggt á klassísku ævintýrunum um Rauðhettu og úlfinn, Hans og Grétu og Grísina þrjá. Sögurnar eru fléttaðar saman á nýstárlegan og skemmtilegan hátt svo úr verður stærðarinnar ævintýr. Snæbjörn hefur einnig samið lög fyrir verkið ásamt bróður sínum Baldri og Mývetningnum Gunnari Ben.

Þetta er þriðja sumarið sem Leikhópurinn Lotta tekur sig til og setur upp barnasýningu. Sumarið 2007 var hið sívinsæla verk Torbjörns Egners, Dýrin í Hálsaskógi, sett á svið og í fyrra var það Galdrakarlinn í Oz í nýrri leikgerð Ármanns Guðmundssonar.