Umhverfisverðlaun 2017

lindaFréttir, Tilkynningar og auglýsingar

Umhverfisverðlaun 2017

í Grímsnes- og Grafningshreppi

 Tilnefningar óskast!

 Í fyrra voru umhverfisverðlaun Grímsnes- og Grafningshrepps veitt í fyrsta skipti. Þau hlutu íbúar Sólheima fyrir það að taka þátt í að skapa sjálfbært samfélag og vera öðrum fyrirmynd og hvatning til góðra verka í þágu umhverfisins.

Nú í ár óskar umhverfisnefnd eftir tilnefningum frá íbúum í sveitarfélaginu. Umhverfisverðlaun verða veitt þeim sem á einhvern hátt skara fram úr, sýna frumkvæði eða gott fordæmi á sviði umhverfis- og/eða náttúruverndarmála.

Hafa ber í huga að tilnefna má einstaklinga, fyrirtæki, félagasamtök eða annað sem ykkur kann að detta í hug.

Eina skilyrðið er að þeir/það/þau séu búsettir eða starfandi í sveitarfélaginu.

 

Tilnefningar þurfa að berast skriflega á skrifstofu sveitarfélagsins í lokuðu umslagi merkt                                                        

Umhverfisverðlaun 2017 fyrir 23. júlí eða á                                              

netfangið hordur@gogg.is fyrir föstudaginn 28. júlí.

 

Endilega látið ykkar röksemdir fylgja tilnefningunni. Umhverfisverðlaunin verða síðan veitt á Grímsævintýrunum þann 12. ágúst næstkomandi. Fulltrúar umhverfisnefndar vona að umhverfisverðlaun sveitarfélagsins hvetji íbúa, fyrirtæki og félagasamtök til þess að huga að nærumhverfi sínu og umhverfismálum um leið og þau verði þeim er hlýtur viðurkenninguna, frekari hvatning til góðra verka í þágu umhverfisins.

 

Með sumarkveðju, umhverfisnefnd.