Ævintýrakistan – Aukasýning

lindaFréttir, Tilkynningar og auglýsingar

Leikfélag Sólheima kunngjörir:

Ævintýrakistan – Aukasýning

Vegna fjölda eftirspurna hefur verið ákveðið að slá upp aukasýningu, Laugardaginn 6.maí klukkan 14:00 í Íþróttaleikhúsinu á Sólheimum. Ýmislegt nýtt á eftir að birtast upp úr ævintýrakistunni og heilla ykkur upp úr skónum. Það spáir skrítnum sögum, sól og blíðu. Ekki láta þig vanta! 🙂

Leikfélag Sólheima sýnir nýtt íslenskt barnaleikrit, Ævintýrakistan. Höfundur er leikstjórinn Guðmundur Lúðvík Þorvaldsson en mun hann einnig bregða sér í búning og sýna sínar bestu hliðar. Tónlistina semur Þröstur Harðarson, kokkur á Sólheimum og sprellari. Í Ævintýrakistunni eru sett saman þrjú þekkt Grimms ævintýri – Gullgæsin, Stígvélaði kötturinn og Brimarborgarhljómsveitin. Rúmur helmingur íbúa og starfsmanna Sólheima koma á einhvern hátt að sýningunni. Mikil aðsókn hefur verið á sýningarnar okkar, mikið hlegið og haft gaman.

Nú er einungis þessi eina sýning eftir og síðan ekki sögunni meir.

Sýningar eru í Íþróttaleikhúsinu á Sólheimum, byrja kl. 14:00 og taka um klukkutíma, ekki missa af nýju íslensku barnaleikriti. Miðasalan er í síma 847 5323 www.solheimar.is

Miðaverð fyrir fullorðna er 2500 kr, 7-12 ára 1000 kr og frítt fyrir 6 ára og yngri.

Opið verður í kaffihúsinu Grænu könnunni og Versluninni Völu um helgina.

Verið hjartanlega velkomin og njótið.