Afhending úr Tombólusjóði Kvenfélags Grímsneshrepps

lindaFréttir, Tilkynningar og auglýsingar

Á haustfundi Kvenfélags Grímsneshrepps var úthlutað úr Tombólusjóði 2017. Á Grímsævintýrum sem haldin voru 12. ágúst safnaðist um 700.000 kr. sem kvenfélagið úthlutar til góðgerðar- og líknarmála. Fyrsta úthlutun var 300.000 kr. sem voru afhentar Sjóðnum Góða sem er samstarfsverkefni ýmissa félagasamtaka í Árnessýslu sem hefur þann tilgang að veita aðstoð fyrir jólahátíðina til handa þeim sem ekki eiga fyrir  nauðþurftum.

Kvenfélag Grímsneshrepps þakkar þeim öllum sem gerðu sér ferð á Grímsævintýrin í sumar.

Á meðfylgjandi mynd er sr. Guðbjörg Arnardóttir,  fulltrúi Sjóðsins Góða og Laufey Guðmundsdóttir, formaður Kvenfélags Grímsneshrepps.