Gáfu 300 þúsund í Sjóðinn góða

lindaFréttir, Tilkynningar og auglýsingar

Á haustfundi Kvenfélags Grímsneshrepps var úthlutað úr tombólusjóði 2015. Á Grímsævintýrum sem haldin voru 8. ágúst söfnuðust um 800 þúsund krónur sem kvenfélagið úthlutar til góðgerðar- og líknarmála.

Fyrsta úthlutun var 300.000 kr. sem voru afhentar Sjóðnum Góða sem er samstarfsverkefni ýmissa félagasamtaka í Árnessýslu og hefur þann tilgang að veita aðstoð fyrir jólahátíðina til handa þeim sem ekki eiga fyrir nauðþurftum.

Kvenfélag Grímsneshrepps þakkar þeim öllum sem gerðu sér ferð á Grímsævintýrin í sumar.

Frétt frá og mynd frá : Sunnlenska.is