Lagning ljósleiðara í Grímsnes- og Grafningshrepp

lindaFréttir, Tilkynningar og auglýsingar

Föstudaginn 22. september skrifaði Grímsnes og Grafningshreppur undir samning við Mílu um lagningu ljósleiðara í sveitarfélaginu. Framkvæmdin felur í sér að tengja öll lögbýli í sveitarfélaginu fyrir lok árs 2019.

Framkvæmdinni verður skipt í 3 svæði og er skipt þannig

Svæði 1 austan Stóru-Borgar og nær upp að Neðra-Apavatni, upp að Haga og allan Sólheimahringinn. Miðað er við að þessum áfanga sé lokið að vori 2018.

Svæði 2 milli Borgar og Sogs og nær niður að Vaðnesi, að Þrastalundi, niður í Öndverðarnes og norður að Kaldárhöfða og Steingrímsstöð. Miðað er við að þessum áfanga verði lokið haustið 2018.

Svæði 3 vestan við Sogið sem nær frá Torfastöðum og Írafossvirkjun að Nesjavöllum. Miðað er við að þessum áfanga verði lokið og verkinu öllu að hausti 2019.

Eins og fram kemur felur verkið í sér að tengja öll lögbýli í Grímsnes og Grafningshreppi,  samhliða mun Míla fara í að leggja að frístundabyggðum. Ekki er reiknað með að byrjað verði að tengja frístundabyggðir fyrr en seinni hluta árs 2018, þetta fer þó eftir áhuga. Ekki er vitað hvenær lokið verður við að tengja frístundabyggðir, en það mun fara eftir þátttöku á svæðunum og verklok verða einhvern tímann eftir 2019.