Skátafélag Sólheima

lindaTilkynningar og auglýsingar, Viðburðir

Laugardaginn 31. október næstkomandi fagna skátar 30 ára afmæli skátastarfs á Sólheimum í Grímsnesi en félagið var formlega stofnað þann 30. október árið 1985.

 Frumkvæði að stofnun félagsins áttu þeir Guðmundur Pálsson og Guðjón Sigmundsson en þetta haust réðust þeir félagarnir til Sólheima í beinu framhaldi af því að hafa veitt sumarbúðum skáta á Úlfljótsvatni forstöðu. Allar götur síðan hefur skátastarfið skipað mikilvægan sess í félagsstarfi staðarins og félagsmenn verið duglegir að taka þátt í sameiginlegum viðburðum skáta af ýmsum tagi svo sem að taka þátt í skátamótum og öðru sameiginlegu starfi.

 Þá hafa félagar úr Skátafélagi Sólheima tekið þátt í alþjóðlegum viðburðum á borð við alheimsmót skáta (Jamboree), fyrst í Ástralíu árið 1987 England 2007 og síðast í Svíþjóð árið 2011.

 Í tilefni af þessum merkilegu tímamótum verður slegið upp myndasýningu og dúndrandi kvöldvöku í Sesseljuhúsi og h@soefst dagskráin kl. 17:00 á laugardaginn og eru allir skátar og velunnarar starfsins og staðarins hjartanlega velkomnir!