Tónleikar UniJón laugardaginn 18. júlí 2015 í Sólheimakirkju kl. 14:00

lindaFréttir

Dúettinn UniJon samanstendur af tónlistarfólkinu Unni Arndísardóttur og Jóni Tryggva Unnarssyni. Þau hófu samstarf árið 2009 og hefur það samstarf leitt af sér sólóplötur þeirra, dúettplötu og brúðkaup. Þau hafa ferðast á þessum árum þvers yfir Bandaríkin og kruss eftir Evrópu að kynna tónlist sína. Þau bjuggu frá árinu 2010 til 2013 í Merkigili á Eyrarbakka þar sem þau héldu úti tónleikaröð í stofunni hjá sér. Þangað kom landsins úrval af listamönnum sem steig á stokk og lék listir sínar fyrir Eyrbekkinga og nærsveitunga. Þau héldu Alþýðutónlistarhátíðina Bakkann árið 2013 og svo aftur vorið 2015 við góðann orðstýr og fögnuð.

Tónlist UniJon er hjartnæm og miðar að því að fá áheyrandann til að njóta líðandi stundar í takt við angurværa tónlist þeirra um ástina og lífið. Þau vilja ólm minna fólk á (og sig sjálf) að lífið er ekki endilega eins alvarlegt og við teljum það vera í dagsins önn.

Verið öll hjartanlega velkomin á Menningarveislu Sólheima.

Ókeypis aðgangur.

unijon