Sveitarstjórn
1. Fjárhagsáætlun 2020-2023, fyrri umræða.
Fyrir liggja drög að fjárhagsáætlun Grímsnes- og Grafningshrepps fyrir fjárhagsárin 2020 – 2023 sbr. 62. gr. sveitarstjórnarlaga nr. 138/2011.
Við gerð fjárhagsáætlunar fyrir árið 2020 var farið yfir hverja deild fyrir sig og hún skoðuð ítarlega með tilliti til þess hver áætlun var vegna 2019 og staða deildarinnar eftir 9 mánuði. Þessar forsendur voru svo aðlagaðar aðstæðum.
Við mat á útsvarstekjum var stuðst við upplýsingar frá Sambandi íslenskra sveitarfélaga, upplýsingum úr bókhaldi sveitarfélagsins og íbúaþróun en vísbendingar eru um að íbúasamsetning í sveitarfélaginu leiði ekki til mikilla breytinga á útsvarstekjum.
Útsvarsprósenta er sú sama og árið 2019 eða 12,44%.
Fasteignaskattur er byggður á upplýsingum um álagningastofn frá Þjóðskrá Íslands og prufukeyrslu úr Fasteignaskrá. Álagningarprósenta fasteignaskatts í flokki A, lækkar í 0,465% og álagningarprósenta fasteignaskatts í flokki C er sú sama og árið 2019, 1,65%.
Ekki eru áætlaðar tekjur úr Jöfnunarsjóði sveitarfélaga.
Í áætluninni er gert ráð fyrir 15% hækkun á gjaldskrá sorpeyðingar og seyrulosunar, 2,5% hækkun á gjaldskrá sorphirðu og hitaveitu, gjaldskrá vatnsveitu lækkar um 0,02% af fasteignamati eigna og 50% afsláttur verður af gjaldskrá gatnagerðargjalda.
Gjaldskrá íþróttamiðstöðvar verður óbreytt, gjaldskrá Félagsheimilisins Borgar hækkar lítillega, dagvistunargjöld leikskóladeildar Kerhólsskóla lækka töluvert og hressing í frístund verður gjaldfrjáls í samræmi við gjaldskrá mötuneytis Kerhólsskóla.
Ekki er gert er ráð fyrir lántökum vegna fjárfestinga á árinu né sölu eigna.
Sveitarstjórn vísar áætluninni til annarrar umræðu.
Ekki fleira tekið fyrir og fundi slitið kl: 15:50