Lýðheilsu- og tómstundastyrkur
Grímsnes- og Grafningshreppur veitir foreldri / forráðamanni barna á aldrinum 0 - 18 ára og fólki 67 ára og eldri styrk til að stunda íþrótta-, æskulýðs- og menningarstarf. Meginreglan skal vera sú að skipulagt tómstundastarf nái yfir 6 vikur samfellt. Hægt er að ráðstafa styrk til greiðslu styttri námskeiða, enda uppfylli námskeiðið önnur skilyrði um styrkhæfi. Að auki geta ungmenni í framhaldsskóla nýtt sér styrkinn til kaupa á árskortum í líkamsræktarstöðvar.
Árið 2026 getur styrkur orðið að hámarki 60.000.- kr. til einstaklinga.
Þær upplýsingar sem fylgja umsókninni til Grímsnes- og Grafningshrepps eru aðeins notaðar til þess að greiða út styrkinn og ákvarða hvort að viðkomandi eigi rétt á styrknum. Upplýsingarnar eru ekki notaðar í öðrum tilgangi og þeim ekki deilt til þriðja aðila.
Skilyrði fyrir veitingu lýðheilsu- og tómstundastyrkja 67+
• Að styrkþegi hafi lögheimili í Grímsnes- og Grafningshreppi.
• Að styrkþegi sé á aldrinum 67 ára og eldri (miðað við fæðingarár).
• Að um skipulagt starf undir leiðsögn þjálfara, kennara eða leiðbeinanda sé að ræða.
• Starfsemi sem fellur undir styrkinn er starfsemi á vegum íþrótta- og tómstundafélaga, nám við
tónlistarskóla, dansskóla og myndlistaskóla auk námskeiða innan líkamsræktarstöðva,
sjálfstyrkinganámskeiða og annarra námskeiða sem falla undir reglurnar.
• Staðfesting á greiðslu/kvittun fylgi umsókn vegna lýðheilsu- og tómstundastyrkja. Á
greiðslukvittun komi eftirfarandi fram: Nafn og kennitala félags, dags. greiðslu, fyrir hvað er
verið að greiða, æfingatímabil, nafn og kennitala iðkanda.
• Styrkur getur aldrei orðið hærri en sem nemur æfingagjaldi/þátttökugjaldi viðkomandi íþrótta-
eða tómstundagreinar.
• Lýðheilsu- og tómstundastyrki er ekki heimilt að færa milli ára. Styrkur fellur niður sé ekki um
hann sótt á því ári sem styrkþegi stundar íþrótt/tómstundir.
Styrkupphæð fer eftir ákvörðun sveitarstjórnar og er ákvörðun um upphæð tekin við gerð
fjárhagsáætlunar ár hvert