Húsnefnd félagsheimilisins Borg
- Verkefni ársins.
Fyrir liggur að samþykkt var fjárfesting upp á 3.700.000.- kr. fyrir Félagsheimilið Borg á fjárhagsáætlun 2022. Sett verða upp leiktjöld og brautir ásamt því að keypt verða ný borð.
Húsnefndin er sammála um að halda vinnufund í haust þar sem farið verði yfir framtíðar skipulag félagsheimilisins á geymslurýmum hússins.
Rædd var útleiga á félagsheimilinu og húsnefndin leggur til að félagsheimilið verði ekki leigt út árið 2022 á almennum markaði. Sveitarstjóra falið að taka saman kostnaðinn við útleigu og starfsmann á launum og leggja fram á næsta fundi nefndarinnar.
Jafnframt leggur nefndin til að íbúðin í félagsheimilinu verði leigð út sem fyrst til skamms tíma með þeim kvöðum sem fylgja, m.a. ónæði vegna útleigu.
- Samfélagsstefna.
Lögð var fram til kynningar samfélagsstefna sem unnin hefur verið fyrir sveitarfélagið.
- Breyting á húsnefnd Félagsheimilisins Borgar.
Formaður fór yfir vinnu sveitarstjórnar við samþykkt um stjórn og fundarsköp Grímsnes- og Grafningshrepps þar sem gerð er tillaga um að setja málefni Félagsheimilisins Borgar undir Framkvæmda- og veitunefnd. Nefndinni líst vel á tillöguna að því gefnu að hagsmunaðilar félagsheimilisins verði boðaðir á fund um málefni félagsheimilisins að lágmarki tvisvar á ári. Nefndin telur að hagsmunaraðilar félagsheimilisins séu Kvenfélag Grímsneshrepps, Leikfélagið Borg, Ungmennafélagið Hvöt, ábyrgðarmaður hússins og matráður.