Skólanefnd

Fræðslunefnd Grímsnes og Grafningshrepps

starfsárið 2010/2014

 

6. fundur fræðslunefndar Grímsnes- og Grafningshrepps haldinn í fundarherbergi stjórnsýsluhússins á Borg, fimmtudaginn 26.maí 2011, kl.16:30.

 
Mættir:
Guðný Tómasdóttir, Benedikt Gústavsson, Vigdís Garðarsdóttir, Hilmar Björgvinsson, Pétur Thomsen, Anna Margrét Sigurðardóttir, Margrét Gunnarsdóttir, Birna Guðrún Jónsdóttir, Ingibjörg Harðardóttir.

 
Umræður um umsögn um frv. til breytinga á grunnskólalögum 747. Mál
Fundurinn tekur undir umsögn Sambands Íslenskra sveitarfélaga um frumvarpið.

 
Fundargerðir skólaráðs grunnskólans lagðar fram til kynningar
Hilmar leggur fram fundargerð skólaráðs til kynningar

 
Húsbygging staða
Guðný segir frá þeirri vinnu sem var unnin með kennurum 17. maí. Sá fundur var mjög áhugaverður og kom margt gagnlegt fram þar. Næsta skref er að fá tilboð frá arkitektum til að teikna bygginguna og leggja svo aftur niðurstöðuna fyrir kennara og starfsfólk skólans. Guðný leggur fram teikningu  sem kom út úr vinnunni með kennurunum, teikningin verður lögð fram sem fyrsta hugmynd til arkitektsins sem fær verkið. Fyrirhugaður er fundur með íbúum sveitarinnar næstkomandi mánudag, 30. maí og verður þetta kynnt þar líka.

Guðný biður Hilmar, Önnu Margréti og Margréti að finna tíma innan skólans til að tala við krakkana og spyrja þau hvað þeim finnist mikilvægt að hafa í nýjum skóla, bæði leikskóladeild og grunnskóladeild. Koma því á blað og koma því til sín. Stefnt er að þessu í upphafi næsta skólaárs.

Hilmar ítrekar það sem fram kom í fundargerð skólaráðs frá 24. maí s.l. varðandi staðsetningu skólabyggingarinnar og afstöðu hennar til annara bygginga, skólstefnu, nýtingu á lóð hvað snertir gróður, skjól og sólarljós.

 
Sjálfsmatsskýrsla kynning
Hilmar segir frá því að kynningarfundur á sjálfsmatsskýrslunni hafi verði 17. Maí.

Fræðslunefnd þakkar Hilmari og sjálfsmatsteymi skólans fyrir vel unna og upplýsandi skýrslu.

Starfsmannamál
Hilmar segir frá því að búið sé að ganga frá ráðningu starfsmanna fyrir næsta skólaár.

Eftirtaldir starfsmenn hafa verið ráðnir við Kerhólsskóla:

Við leikskóladeildina: Svanhildur Eiríksdóttir í 80% stöðu sem deildarstjóri og Birna Guðrún Jónsdóttir ráðin í 80% stöðu sem leikskólakennari. Við grunnskóladeildina hefur verið ráðinn Árni Sverrir Bjarnason til eins árs í námsleyfi Ingveldar Eiríksdóttur. Einnig stendur til að ráða Ástu Björk Björnsdóttur í hlutastarf við grunnskóladeildina. Linda Sverrisdóttir hættir störfum við leikskóladeildina að loknu þessu skólaári en hún hefur verið ráðin á skrifstofu sveitarstjórnar og er þar byrjuð að hluta til. Sigurborg Jóna Björnsdóttir hættir einnig og flytur til Hornafjarðar. Sigmar Ólafsson flytur sig í Grunnskóla Bláskógabyggðar.

 
Skólastefna, tímaseting fyrir fyrsta vinnufund ákveðinn
Ákveðið er að hafa fyrsta vinnufund í skólastefnu mánudaginn 6. júní kl. 14:00.

 
Önnur mál
Hilmar leggur fyrir breytingar á skóladagatali vegna náms- og kynnisferðar starfsmanna þar sem vetrarfrí er í Noregi á þeim tíma sem áætlað að var að fara. Ekki er ánægja hjá meirihluta sveitarstjórnar með að færa starfsdag sem myndi þýða auka skólaakstur. Hilmari er falið að kanna hvernig færa megi þessa daga til og leggja það síðan fyrir sveitarstjórn.

 

  

Fundi slitið kl. 19:00