Sveitarstjórn

Ása Valdís Árnadóttir oddviti setti fund, bauð fundargesti velkomna og leitaði athugasemda við fundarboð, engar athugasemdir voru við boðun fundarins.
1. Fundargerðir.
a) Fundargerð 21. fundar húsnefndar Félagsheimilisins Borgar, 13. maí 2025.
Lögð fram til kynningar fundargerð 21. fundar húsnefndar Félagsheimilisins Borgar sem haldinn var 13. maí 2025.
b) 45. fundar Fjallskilanefndar 22. apríl 2025.
Mál nr. 2 þarfnast afgreiðslu sveitarstjórnar.
Lögð fram fundargerð 45. fundar Fjallskilanefndar sem haldinn var 22. apríl 2025.
Eftirfarandi dagskrárliður þarfnast afgreiðslu sveitarstjórnar;
Mál nr. 2 Girðing á Grafningsafrétt.
Rætt var um smölun á Grafningsafrétti í haust, en fyrirséð er að talsverð fækkun verður á fé í Grafningnum eftir næsta haust. Hægt væri að einfalda smalamennskur og koma í veg fyrir að fé úr Ölfusi sæki yfir í Grafninginn með girðingu á Mosfellsheiði.
Sveitarstjórn samþykkir samhljóða að fela sveitarstjóra, umsjónamanni umhverfismála og formanni fjallskilanefndar að vinna málið áfram.
c) Fundargerð 302. fundar skipulagsnefndar UTU, 14. maí 2025.
Mál nr. 16, 17, 18, 19, 20, 21, 22 og 32 þarfnast afgreiðslu sveitarstjórnar.
Lögð fram 302. fundargerð skipulagsnefndar UTU, dagsett 14. maí 2025. Eftirfarandi dagskrárliðir þarfnast afgreiðslu sveitarstjórnar;
Mál nr. 16; Vaðholt 2 L219744; Skipting á byggingarreit; Deiliskipulagsbreyting – 2505003.
Lögð er fram tillaga deiliskipulagsbreytingar sem tekur til Vaðholts 2 L219744 í landi Ormsstaða í Grímsnes- og Grafningshreppi. Í breytingunni felst að byggingarreitur, merktur B í núverandi skipulagi og er ætlaður fyrir útihús, verði skipt í tvennt þ.e. byggingarreit B og C. Á reit B verður
heimilt að reisa allt að 250 fm íbúðarhús og á reit C verður heimilt að reisa allt að 400 fm útihús s.s. gróðurhús, hesthús og/eða geymslu/skemmu.
Samkvæmt kröfum skipulagsreglugerðar er gert ráð fyrir að byggingarreitir íbúðar- og frístundahúsa séu í að minnsta kosti 100 metra fjarlægð frá stofn- og tengivegum nema undanþága ráðuneytis frá kröfum reglugerðarinnar liggi fyrir. Innan tillögunnar er gert ráð fyrir skilgreiningu byggingarreits í 90 metra fjarlægð frá vegi.
Sveitarstjórn samþykkir samhljóða að fresta málinu og felur skipulagsfulltrúa að vinna málið áfram.
Mál nr. 17; Miðengi Rjómabúgata L209356, Hæðarendi spilda L208527 og Hæðarendi lóð L168255; Frístundabyggð í landi Miðengis og Hæðarenda; Deiliskipulag – 2504092.
Lögð er fram tillaga nýs deiliskipulags sem tekur til frístundahúsasvæðis í landi Miðengi og Hæðarenda í Grímsnes- og Grafningshreppi. Um er að ræða skipulag á landskikunum Miðengi Rjómabúgata L209356, Hæðarendi spilda L208527 og Hæðarendi lóð L168255. Samtals er gert ráð fyrir 94 frístundahúsalóðum, þar af einni lóð fyrir þyrpingu af smærri gistihúsum.
Að mati sveitastjórnar samræmist þyrping smáhýsa til útleigu ekki stefnumörkun aðalskipulags er varðar frístundabyggð. Eðlileg landnotkun slíkrar starfsemi er verslun- og þjónusta. Mælist sveitarstjórn til þess að framlögð gögn verði ýmist tekin til endurskoðunar m.t.t. þessa eða að öðrum kosti verði óskað eftir skilgreiningu verslunar- og þjónustusvæðis á reitnum sem áætluð uppbygging tekur til. Jafnframt bendir sveitarstjórn á að á grundvelli heimilda aðalskipulags Grímsnes- og Grafningshrepps að þá skulu ný frístundasvæði ekki vera stærri en 25 ha innan hverrar jarðar eða jarðarhluta. Nýir áfangar verða alla jafna ekki teknir til skipulagsmeðferðar fyrr en minnst 2/3 hlutar fyrri áfanga hefur verið ráðstafað (selt/leigt).
Sveitarstjórn samþykkir samhljóða að fresta málinu.
Mál nr. 18; Stóra-Borg lóð 14 L218058; Hlauphólar frístundabyggð; Deiliskipulagsbreyting – 2504103.
Lögð er fram tillaga deiliskipulagsbreytingar sem tekur til Stóru-Borgar lóð 14 L218058. Í breytingunni felst að allt land upprunalandsins verði innan deiliskipulagsmarka. Við það fjölgar lóðum innan skipulagssvæðisins úr 38 í 40. Að öðru leyti gilda deiliskipulagsskilmálar í samþykktu deiliskipulagi m.s.br.
Sveitarstjórn samþykkir samhljóða að fresta málinu og felur oddvita og skipulagsfulltrúa að vinna málið áfram.
Mál nr. 19; Ásgarður, frístundasvæði; Skilmálabreyting; Deiliskipulagsbreyting – 2504062.
Lögð er fram tillaga deiliskipulagsbreytingar sem tekur til frístundalóða við Sólbakka innan frístundabyggðar í landi Ásgarðs. Í breytingunni felst að heimilt verði að stunda rekstrarleyfisskylda útleigu frístundahúsa innan svæðisins á grundvelli heimilda aðalskipulags. Innan heimilda aðalskipulags Grímsnes- og Grafningshrepps er gert ráð fyrir að heimilt geti verið að stunda rekstrarleyfisskylda útleigu frístundahúsa svo framarlega sem gert er grein fyrir gististarfseminni í deiliskipulagi og að enginn lóðarhafi innan deiliskipulagssvæðisins leggist gegn starfseminni.
Sveitarstjórn samþykkir samhljóða framlagða beiðni um breytingu á deiliskipulagi svæðisins. Málið fái málsmeðferð á grundvelli 2. mgr. 43. gr. skipulagslaga nr. 123/2010 er varðar óverulega breytingu á deiliskipulagi og verði grenndarkynnt öllum hlutaðeigandi innan skipulagssvæðisins.
Mál nr. 20; Lyngborgir 5 L227065; Rekstrarleyfi í flokki II; Deiliskipulagsbreyting – 2503030.
Lögð er fram eftir grenndarkynningu tillaga sem tekur til breytinga á skilmálum deiliskipulags Lyngborga, frístundabyggðar í landi Minni-Borgar. Í breytingunni felst að heimilt verði að stunda rekstrarleyfisskylda útleigu í flokki II innan svæðisins. Athugasemdir bárust á kynningartíma breytingarinnar og eru þær lagðar fram við afgreiðslu málsins.
Í ljósi fjölda athugasemda sem bárust frá lóðarhöfum samliggjandi frístundasvæðis að Oddsholti sem deila m.a. vegtengingu að svæðinu telur nefndin ekki forsvaranlegt að samþykkja framlagða breytingu á deiliskipulagi svæðisins eftir grenndarkynningu. Þótt svo að athugasemdir vegna málsins berist ekki frá lóðarhöfum innan deiliskipulagssvæðisins sem breytingin tekur til telur nefndin að samlegðaráhrif á aðliggjandi svæði sé þess eðlis taka verði tillit til þeirra athugasemda sem bárust vegna tillögunnar.
Í ljósi framlagðra athugasemda synjar sveitarstjórn samhljóða deiliskipulagsbreytingunni eftir grenndarkynningu.
Mál nr. 21; Vesturhlíð L192153; Frístundabyggð F16; Deiliskipulag – 2410072.
Lögð er fram tillaga deiliskipulags sem tekur til frístundasvæðis F16 innan aðalskipulags Grímsnes- og Grafningshrepps eftir kynningu. Í deiliskipulaginu felst m.a. skilgreining lóða, byggingarreita og byggingarskilmála innan svæðisins sem tekur til um 97 ha svæðis undir heitinu Vesturhlíð. Á svæðinu er gert ráð fyrir um 92 lóðum ásamt opnum svæðum, vegum, göngustígum og skilgreindu svæði fyrir vatnsöflun. Umsagnir bárust vegna kynningar málsins sem eru lagðar fram við afgreiðslu málsins ásamt uppfærðum gögnum.
Uppfærð gögn bárust sveitarstjórn eftir skipulagsnefndarfundinn og eru þau lögð fram við afgreiðslu málsins. Á grundvelli heimilda aðalskipulags Grímsnes- og Grafningshrepps að þá skulu ný frístundasvæði ekki vera stærri en 25 ha innan hverrar jarðar eða jarðarhluta. Nýir áfangar verða alla jafna ekki teknir til skipulagsmeðferðar fyrr en minnst 2/3 hlutar fyrri áfanga hefur verið ráðstafað (selt/leigt). Í deiliskipulaginu er gert ráð fyrir áfangaskiptingu á uppbyggingu á svæðinu.
Sveitarstjórn samþykkir samhljóða að málið fái málsmeðferð á grundvelli 41. gr. skipulagslaga nr. 123/2010 þar sem allar meginforsendur liggi fyrir innan aðalskipulags sveitarfélagsins.
Mál nr. 22; Lyngdalur L168232 (Björk 1 L211337); Vegagerð og vatnslögn; Framkvæmdarleyfi – 2505009.
Lögð er fram umsókn um framkvæmdaleyfi fyrir Lyngdal L168232 og Björk 1 L211337 í Grímsnes- og Grafningshreppi. Í umsókninni felst leyfi til að leggja nýjan héraðsveg að Lyngdal og Björk 1 og leyfi til að leggja neysluvatnsleiðslu meðfram veginum að Lyngdal.
Sveitarstjórn gerir ekki athugasemd við útgáfu framkvæmdaleyfis á grundvelli 13. gr. skipulagslaga nr. 123/2010 og verði grenndarkynnt.
Mál nr. 34; Afgreiðslur byggingarfulltrúa - 25-226 - 2505001F.
Lögð er fram til kynningar fundargerð byggingarfulltrúa nr. 25-226.
d) Fundargerðir 120. funda Stjórnar byggðasamlagsins UTU, 30. apríl 2025
Lögð er fram til kynningar fundargerð stjórnar byggðasamlagsins UTU.
e) Fundargerðir 121. funda Stjórnar byggðasamlagsins UTU, 6. maí 2025.
Lögð er fram til kynningar fundargerð stjórnar byggðasamlagsins UTU.
f) Fundargerð 84. fundar stjórnar Bergrisans, 25. apríl 2025.
Fundargerðin lögð fram til kynningar.
g) 22. fundar stjórnar Arnardrangs, 7. apríl 2025.
Fundargerðin lögð fram til kynningar.
h) Fundargerð 244. fundar stjórnar Heilbrigðisnefndar Suðurlands, 2. maí 2025.
Mál nr. 1h. þarfnast afgreiðslu sveitarstjórnar.
Eftirfarandi var bókað á fundi Heilbrigðisnefndar Suðurlands undir lið 1 h):Viðauki við fjárhagsáætlun Heilbrigðiseftirlits Suðurlands bs. 2025 vegna nýrra kjarasamninga lagður fram til samþykktar. Heilbrigðisnefnd Suðurlands felur framkvæmdastjóra að senda viðaukann á aðildarsveitarfélögin til staðfestingar.
Sveitarstjórn samþykkir samhljóða viðauka við fjárhagsáætlun HSL. Hlutur sveitarfélagsins Grímsnes- og Grafningshrepps hækkar um kr. 178.828,-.
i) 978. fundar stjórnar Sambands íslenskra sveitarfélaga, 30. apríl 2025.
Fundargerðin lögð fram til kynningar.
2. Umsókn um Lækjartún 3.
Lögð fram að nýju umsókn um einbýlishúsalóðina Lækjartún 3 sem tekin var fyrir á 589. fundi sveitarstjórnar og frestað. Fyrir liggur að umsækjandi hefur dregið umsókn sína til baka.
3. Samningur við Leikfélag Sólheima.
Fyrir liggja drög að samstarfssamning við Leikfélag Sólheima.
Sveitarstjórn samþykkir samhljóða fyrirliggjandi drög og felur sveitarstjóra að skrifa undir samninginn.
4. Ársreikningur og ársskýrsla Kvenfélags Grímsneshrepps 2024.
Lagður fram til kynningar ársreikningur og ársskýrsla Kvenfélag Grímsneshrepps fyrir árið 2024.
5. Ársreikningur Bergrisans bs. 2024.
Lagður fram til kynningar ársreikningur Bergrisans bs. 2024.
6. Ársreikningur Umhverfis- og tæknisvið Uppsveita bs. 2024.
Lagður fram til kynningar ársreikningur Umhverfis- og tæknisviðs Uppsveita bs. 2024.
7. Gefum íslensku séns.
Fyrir liggur bréf frá byggðaþróunarfulltrúa Uppsveita Árnessýslu, Línu Björg Tryggvadóttur með upplýsingum um inngildingarverkefnið „Gefum íslensku séns“. Hún stefnir á að sækja um fjármagn til verkefnisins í Uppbyggingarsjóð Suðurlands.
Sveitarstjórn líst vel á verkefnið og þakkar Línu fyrir frumkvæðið.
8. Öryggisvöktun Syndis.
Fyrir liggur tilboð frá Syndis á öryggisvöktun á upplýsingakerfum, lausnum og innviðum með sértækri greiningu og viðbrögðum við hugsanlegum netárásum.
Sveitarstjórn samþykkir samhljóða að taka tilboðinu og felur sveitarstjóra að skrifa undir samninginn.
9. Framlög til úrbóta á aðgengismálum fatlaðs fólks 2025-2026.
Lagt fram til kynningar erindi frá Innviðaráðuneytinu, dagsett 9. maí um framlög til úrbóta á aðgengismálum fatlaðs fólks 2025-2026.
Sveitarstjórn samþykkir samhljóða að fela sveitarstjóra og umsjónarmanni framkvæmda- og veitna að vinna málið áfram.
10. Bréf frá Sýslumanninum á Suðurlandi um umsögn vegna reksturs gististaðar í flokki II, G íbúðir að Þóroddsstöðum 1 fnr. 250-8577.
Fyrir liggur tölvupóstur frá Sýslumanninum á Suðurlandi, dagsettur 7. maí 2025, um umsögn vegna breyttrar umsóknar um leyfi til reksturs fyrir gistingu í flokki II, G íbúðir að Þóroddsstöðum 1 fnr. 250-8577.
Sveitarstjórn samþykkir samhljóða að gera ekki athugasemdir við að veitt verði leyfi í flokki II, G íbúðir að Þóroddsstöðum 1 fnr. 250-8577 í Grímsnes- og Grafningshreppi með fyrirvara um jákvæða umsögn byggingarfulltrúa.
11. Bréf frá Sýslumanninum á Suðurlandi um umsögn vegna umsóknar um leyfi til reksturs fyrir gistingu í flokki II, H frístundahús að Langarima 15, fnr. 253-1057.
Fyrir liggur bréf frá Sýslumanninum á Suðurlandi, dagsett 5. maí 2025, um umsögn vegna rekstrarleyfis til sölu gistingar í flokki II, H frístundahús að Langarima 15, fnr. 253-1057.
Sveitarstjórn samþykkir samhljóða að gera ekki athugasemdir við að veitt verði leyfi í rekstrarflokki II, H frístundahús að Langarima 15, fnr. 253-1057 í Grímsnes- og Grafningshreppi með fyrirvara um jákvæða umsögn byggingarfulltrúa.
12. Innviðaráðuneytið kynnir til samráðs mál nr. 90/2025, „Sóknaráætlun Suðurlands 2025-2029“.
Erindi frá Innviðaráðuneytinu, dags. 15. maí þar sem kynnt er til samráðs mál nr. S-90/2015. Sóknaráætlun Suðurlands 2025-2029. Umsagnarfrestur er til og með 28. maí nk.
Lagt fram til kynningar.
13. Innviðaráðuneytið kynnir til samráðs mál nr. 89/2025, „Áform um endurskoðun laga um tekjustofna sveitarfélaga (skattlagning orkumannvirkja)“.
Erindi frá Innviðaráðuneytinu, dags. 14. maí þar sem kynnt er til samráðs mál nr. S-89/2015. Áform um endurskoðun laga um tekjustofna sveitarfélaga (skattlagning orkumannvirkja). Umsagnarfrestur er til 9. júní nk.
Sveitarstjórn samþykkir samhljóða að fela Óskari Sigurðsyni lögmanni sveitarfélagsins að vinna umsögn fyrir hönd sveitarfélagsins.
14. Innviðaráðuneytið kynnir til samráðs mál nr. 88/2025, „Áform um endurskoðun sveitarstjórnarlaga (endurskoðun sveitarstjórnarlaga)“.
Erindi frá umhverfis- og samgöngunefnd Alþingis dagsett 14. apríl 2025, til umsagnar 272. mál, Sveitarstjórnarlög mat á fjárhagslegum áhrifum. Umsagnafrestur er til og með 9. júní nk.
Sveitarstjórn samþykkir samhljóða að fela Óskari Sigurðsyni lögmanni sveitarfélagsins að gæta hagsmuna sveitarfélagsins.

Ekki fleira tekið fyrir og fundi slitið kl. 10:30.