Sveitarstjórn

Ása Valdís Árnadóttir oddviti setti fund, bauð fundargesti velkomna og leitaði athugasemda við fundarboð, engar athugasemdir voru við boðun fundarins.
Oddviti leitar afbrigða.
Samþykkt samhljóða.
a) Beiðni um undaþágu fyrir starfsleyfisskyldum atvinnurekstri sem kann að hafa í för með sér mengun, skv. 16. gr. reglugerðar um framkvæmd verndunar vatnasviðs og lífríkis Þingvallavatns nr. 650/2006.
1. Fundargerðir.
a) Fundargerð 30. fundar Framkvæmda- og veitunefndar, 13. janúar 2026.
Fundargerðin lögð fram til kynningar.
b) Fundargerð 317. fundar skipulagsnefndar UTU, 14. janúar 2026.
Mál nr. 9, 10, 11, 12, 13, 14 og 18 þarfnast afgreiðslu sveitarstjórnar.
Lögð er fram 317. fundargerð skipulagsnefndar UTU, dagsett 14. janúar 2026. Eftirfarandi dagskrárliðir þarfnast afgreiðslu sveitarstjórnar.
Mál nr. 9; Hestur lóð 54 L168563; Fjarlægð frá lóðarmörkum og byggingarmagn; Deiliskipulagsbreyting – 2601014.
Lögð er fram tillaga óverulegrar deiliskipulagsbreytingar sem tekur til frístundasvæðisins að Hesti í Grímsnes- og Grafningshreppi. Annars vegar tekur breytingin til Hests lóðar 54 L168563, þar sem byggingarreitur er skilgreindur í 10 metra fjarlægð frá lóðarmörkum í stað 15 metra frá norður mörkum lóðarinnar. Hins vegar tekur breytingin til almennra skilmála deiliskipulagsins er varðar byggingarheimildir fyrir aukahús og hámarks stærðir frístundahúsa. Breytingin felur í sér að kröfum um hámarks fermetrafjölda aðal- og aukahúsa eru felldar út úr greinargerð. Takmörkun á byggingarmagni miðast eingöngu við hámarks nýtingarhlutfall 0,03.
Sveitarstjórn samþykkir samhljóða framlagða breytingu á deiliskipulagi svæðisins og að málið fái málsmeðferð á grundvelli 2. mgr. 43. gr. skipulagslaga nr. 123/2010 er varðar óverulega breytingu á deiliskipulagi.
Mál nr. 10; Hraunbraut 9 L204145 og 11 L204145; Aukið byggingarmagn; Deiliskipulagsbreyting – 2601010.
Lögð er fram umsókn um deiliskipulagsbreytingu sem tekur til Hraunbrautar 9-11 L204145 í Grímsnes- og Grafningshreppi. Í breytingunni felst að nýtingarhlutfall hækkar úr 0,30 í 0,38.
Sveitarstjórn hafnar samhljóða deiliskipulagsbreytingunni.
Jafnframt er vakin athygli á að úthlutun Imirox fyrir lóðina Hraunbraut 9 - 11 er fallin úr gildi.
Mál nr. 11; Hraunbraut 5 L204146 og 7 L204146; Aukið byggingarmagn; Deiliskipulagsbreyting – 2601009.
Lögð er fram umsókn um deiliskipulagsbreytingu sem tekur til Hraunbrautar 5-7 L204146 í Grímsnes- og Grafningshreppi. Í breytingunni felst að nýtingarhlutfall hækkar úr 0,30 í 0,34.
Sveitarstjórn hafnar samhljóða deiliskipulagsbreytingunni.
Jafnframt er vakin athygli á að úthlutun Imirox fyrir lóðina Hraunbraut 5-7 er fallin úr gildi.
Mál nr. 12; Berjaholtslækur; Stækka byggingarreit; Deiliskipulagsbreyting – 2510031.
Lögð er fram tillaga deiliskipulagsbreytingar, eftir grenndarkynningu, sem tekur til Berjaholtslækjar 5 L197771 í Grímsnes- og Grafningshreppi. Í breytingunni felst stækkun byggingarreits þannig að fjarlægð frá lóðarmörkum er 10 metrar á alla vegu. Athugasemdir bárust við grenndarkynningu og eru þær lagðar fram við afgreiðslu málsins.
Sveitarstjórn samþykkir samhljóða framlagt deiliskipulag eftir auglýsingu og telur að brugðist hafi verið við umsögnum og athugasemdum sem bárust við tillöguna með fullnægjandi hætti. Sveitarstjórn mælist því til þess að deiliskipulagið taki gildi með birtingu auglýsingar í B-deild Stjórnartíðinda að lokinni yfirferð og afgreiðslu Skipulagsstofnunar í samræmi við 42. gr. skipulagslaga nr. 123/2010.
Mál nr. 13; Tjaldafell fjallaríki L175568; Fjölgun lóða, auka byggingarheimildir og gistirými; Aðalskipulagsbreyting – 2511039.
Lögð er fram tillaga aðalskipulagsbreytingar sem tekur til breytinga á aðalskipulagi Grímsnes- og Grafningshrepps 2020-2032. Svæðið sem breytingin nær til er skálasvæðið við Tjaldafell, norðaustan Skjaldbreiðar. Í breytingunni felst að afþreyingar- og ferðamannasvæði stækkar úr 5 ha í 14,7 ha, lóðum er fjölgað úr 10 í 13 og settir eru skilmálar fyrir svæðið, s.s. byggingarheimildir á hverri lóð og fjöldi gesta.
Fyrir liggur að sveitarstjórn Grímsnes- og Grafningshrepps hefur ákveðið í samráði við forsætisráðuneytið að yfirfara skipulagsmál við Tjaldafell og vinna aðalskipulagsbreytingu og nýtt deiliskipulag á svæðinu. Vinnan er jafnframt unnin í samráði við eigendur fjallaskála á svæðinu. Er áætlað að auglýsa lausar lóðir á svæðinu til úthlutunar til lögaðila þegar aðal- og deiliskipulagsbreytingarnar hafa gengið í gegn síðar á árinu. Sveitarstjórn sér ekki fyrir sér að breyta notkun á svæðinu né að svæðið verði að ferðamannastað í nokkurri mynd og eru bæði aðalskipulagsbreytingin og deiliskipulagsbreytingin unnar með það í huga.
Sveitarstjórn samþykkir samhljóða aðalskipulagsbreytinguna til kynningar og umsagna í samræmi við 30. gr. skipulagslaga nr. 123/2010.
Mál nr. 14; Biskupstungnabraut og Þingvallavegur; Hjólastígar; Aðalskipulagsbreyting – 2509014.
Lögð er fram tillaga aðalskipulagsbreytingar sem tekur til breytinga á aðalskipulagi Grímsnes- og Grafningshrepps 2020-2032. Í breytingunni felst að settir eru inn göngu- og hjólreiðastígar meðfram Biskupstungnabraut, Þingvallavegi og Sólheimavegi. Markmiðið er að bæta möguleika á vistvænum samgöngum, öryggi vegfarenda og heilsu íbúa og gesta, samhliða uppbyggingu ferðaþjónustu og annarrar þjónustu í sveitarfélaginu.
Sveitarstjórn samþykkir samhljóða aðalskipulagsbreytinguna til kynningar og umsagna í samræmi við 30. gr. skipulagslaga nr. 123/2010.
Mál nr. 18; Afgreiðslur byggingarfulltrúa – 25-241 – 2601001F.
Lögð er fram til kynningar fundargerð afgreiðslufundar byggingarfulltrúa nr. 25-241.
c) Fundargerð 28. fundar stjórnar Brunavarna Árnessýslu, 18. júní 2025.
Fundargerðin lögð fram til kynningar.
d) Fundargerð 29. fundar stjórnar Brunavarna Árnessýslu, 23. september 2025.
Fundargerðin lögð fram til kynningar.
e) Fundargerð 30. fundar stjórnar Brunavarna Árnessýslu, 30. september 2025.
Fundargerðin lögð fram til kynningar.
f) Fundargerð 31. fundar stjórnar Brunavarna Árnessýslu, 6. október 2025.
Fundargerðin lögð fram til kynningar.
g) Fundargerð 32. fundar stjórnar Brunavarna Árnessýslu, 10. október 2025.
Fundargerðin lögð fram til kynningar.
h) Fundargerð 33. fundar stjórnar Brunavarna Árnessýslu, 17. desember 2025.
Fundargerðin lögð fram til kynningar.
i) Fundargerð 342. fundar stjórnar Sorpstöðvar Suðurlands bs., 12. janúar 2026.
Fundargerðin lögð fram til kynningar.
j) Fundargerð 632. fundar stjórnar Samtaka sunnlenskra sveitarfélaga, 9. janúar 2026.
Fundargerðin lögð fram til kynningar.
2. Stjórnsýslukæra.
Fyrir liggur tilkynning um stjórnsýslukæru vegna synjunar á skólaakstri.
Sveitarstjórn samþykkir samhljóða að fela sveitarstjóra og lögmanni sveitarfélagsins, Óskari Sigurðssyni hrl., að vinna að málinu fyrir hönd sveitarfélagsins.
3. Farsældarráð Suðurlands.
Fyrir liggur að tilnefna þarf fulltrúa í farsældarráð Suðurlands fyrir hönd Grímsnes- og Grafningshrepps. Sveitarstjórn samþykkir samhljóða tillögu verkefnisstjóra farsældaráðs á Suðurlandi um að aðalfulltrúi sveitarfélagsins verði Anný Ingimarsdóttir og Óttar Guðlaugsson til vara.
4. Umsagnarbeiðni vegna máls nr. 1610/2025 í Skipulagsgátt.
Fyrir liggur umsagnarbeiðni frá Skipulagsstofnun vegna máls nr. 1610/2025 í Skipulagsgátt; 124-Íb Blikastaðaland - Breyting og rammahluti aðalskipulags Mosfellsbæjar 2011-2030, nr. 1610/2025: Auglýsing tillögu (Rammahluti aðalskipulags).
Sveitarstjórn gerir ekki athugasemdir við auglýsinguna.
5. Önnur mál.
a) Beiðni um undaþágu fyrir starfsleyfisskyldum atvinnurekstri sem kann að hafa í för með sér mengun, skv. 16. gr. reglugerðar um framkvæmd verndunar vatnasviðs og lífríkis Þingvallavatns nr. 650/2006.
Fyrir liggja drög að erindi til umhverfis-, orku og loftslagsráðherra þar sem þess er farið á leit að ráðherra veiti Grímsnes- og Grafningshreppi, undanþágu fyrir starfsleyfisskyldum atvinnurekstri sem kann að hafa í för með sér mengun, skv. 16. gr. reglugerðar um framkvæmd verndunar vatnasviðs og lífríkis Þingvallvatns nr. 650/2006, vegna fyrirhugaðra framkvæmda á svæðinu. Framkvæmdaraðili er Ræktunarsamband Flóa og Skeiða ehf., kt. 410693-2169.
Sveitarstjórn samþykkir samhljóða erindið og felur sveitarstjóra og deildarstjóra veitna að vinna málið áfram.

Ekki fleira tekið fyrir og fundi slitið kl. 10:00.