Atvinnuauglýsing - Akstursþjónusta fatlaðra

Grímsnes- og Grafningshreppur leitar að aðilum til að sinna akstursþjónustu fatlaðra.

Um er að ræða annars vegar 100% starf og hins vegar í hlutastarf og afleysingar.

Viðkomandi þurfa að geta hafið störf sem fyrst.

Markmið akstursþjónustunnar er að gera þeim, sem ekki geta nýtt sér almenningsfarartæki, kleift að stunda nám, vinnu, hæfingu, sækja heilbrigðisþjónustu og njóta tómstunda. Haft er að leiðarljósi að aðstoða fatlað fólk til fullrar þátttöku í samfélaginu og sjálfstæðs lífs eins og kostur er hverju sinni.

Helstu verkefni

• Akstur samkvæmt akstursplani og pöntunum.
• Umsjón með bíl er varðar þrif og viðhald.
• Önnur tilfallandi verkefni sem yfirmaður felur starfsmanni.

Hæfniskröfur

• Aukin ökuréttindi (Meirapróf).
• Hreint sakavottorð.
• Íslenskukunnátta áskilin.
• Þjónustulund, jákvæðni og hæfni í mannlegum samskiptum.
• Lausnamiðun og sveiganleiki.
• Reynsla af störfum með fötluðu fólki kostur.
• Önnur námskeið sem sérstaklega eru ætluð bifreiðastjórum fólksflutningabíla.

Umsóknarfrestur er til og með 15. október 2025.

Sótt er um á www.mognum.is

Nánari upplýsingar veita Sigríður Ólafsdóttir; sigga@mognum.is og Telma Eiðsdóttir telma@mognum.is

Umsókn skal fylgja starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í

starfið.

Öllum umsækjendum er svarað að ferli loknu.