Fyrsta skóflustungan að Skógartúni

Þann 7. maí var tekin fyrsta skóflustungan að nýrri íbúðagötu í Vesturbyggðinni á Borg, en gatan mun bera heitið Skógartún. Við götuna verða lóðir undir einbýlis-, par- og raðhús. Samhliða því verður gerður nýr aðkomuvegur að hverfinu sem mun í framtíðinni tengjast við Biskupstungnabraut, ásamt því að göngustígar verða lagðir um hverfið.
Verkið var boðið út fyrr í vor og var í kjölfarið samið við Jarðtækni ehf. sem mun annast verkið. Hönnun var í höndum Eflu og Verkís verður með eftirlit með verkinu.

Björn Kristinn varaoddviti, Gunnar Egill frá Jarðtækni, og Ása Valdís oddviti að lokinni fyrstu skóflustungunni.