Sala lausafjármuna í gegnum uppbod.com

Grímsnes- og Grafningshreppur hefur ákveðið að ráðast í sölu á lausafjármunum sveitarfélagsins í gegnum vefuppboð á vegum umboðsaðilans uppbod.com. Með þessari leið er stefnt að því að tryggja aukið gagnsæi í meðferð eigna sveitarfélagsins, bæta aðgengi almennings að söluferlinu og finna eldri munum nýtt og gagnlegt líf í annarra höndum.

Sala lausafjármuna með þessum hætti er liður í ábyrgri og faglegri meðferð opinberra eigna þar sem áhersla er lögð á endurnýtingu og sjálfbærni. Þeir munir sem nú verða boðnir upp eru ekki lengur í virkri notkun hjá sveitarfélaginu og teljast ekki lengur uppfylla þarfir þess í daglegum rekstri.

Vefuppboðið fer fram á www.uppbod.com þar sem nánari upplýsingar um hluti, tímasetningar og fyrirkomulag uppboðsins eru aðgengilegar. Allir eru hvattir til að kynna sér úrvalið og taka þátt í uppboðinu, en það gefur bæði einstaklingum og fyrirtækjum tækifæri til að eignast nothæfa muni á sanngjörnu verði.

Með þessari nálgun vill sveitarfélagið stuðla að skilvirkri nýtingu opinberra eigna og hvetja til umhverfisvænna lausna í rekstri og samfélagi.