Skiptimarkaður

Laugardaginn 4. október kl. 13–17 í Félagsheimilinu Borg

Komdu og taktu þátt í líflegum skiptimarkaði sem Kvenfélag Grímsneshrepps stendur fyrir! Þetta er kjörinn vettvangur til að gefa hlutum nýtt líf og finna eitthvað spennandi í staðinn – án þess að það kosti krónu.

 

Hvað á heima á markaðnum?
Föt og skófatnaður fyrir alla aldurshópa
Sund- og íþróttafatnaður
Fylgihlutir, veski og töskur (ath. ekki ferðatöskur)
Grímubúningar
Púsl og spil fyrir alla aldurshópa
Leikföng og barnabækur

Allt sem kemur þarf að vera hreint, heilt og vel með farið

 

Hvernig virkar þetta?
• Þú mætir með þínar eigur og setur á merkt borð eða slár
• Þú getur valið þér eitthvað annað í staðinn – eða einfaldlega bara komið og skoðað, jafnvel þó að þú komir ekki með neitt þá máttu eigna þér það sem þér líst á
• Það er enginn „skiptikvóti“ – þú mátt taka meira, minna eða ekkert
• Mundu að taka með þér poka

Aukastemning á staðnum
Sveitarfélagið býður upp á kaffi og djús
Kvenfélagið selur vöfflur og skúffukökur
Vanar saumakonur verða á staðnum með saumavélar til að leiðbeina við viðgerðir og breytingar á fatnaði
Unglingadeild Kerhólsskóla safnar fyrir útskriftarferð og verða þau með fjáröflun á staðnum

 

Verið öll hjartanlega velkomin – hvort sem þið ætlið að nýta ykkur skiptimarkaðinn, kíkja í kaffi eða einfaldlega spjalla við nágranna og vini.