Ungmennaráð Grímsnes- og Grafningshrepps á Ungmennaráðstefnu á vegum Sambands íslenskra sveitarfélaga

Ungmennaráð Grímsnes- og Grafningshrepps tók þátt í veglegri ráðstefnu á vegum Sambands íslenskra sveitarfélaga föstudaginn 5. desember á Hótel Hilton, haldin í tilefni af 80 ára afmæli sambandsins. Boð voru send til ungmennaráða um allt land, og komu fulltrúar saman til að læra, tengjast og ræða málefni sem snerta ungt fólk og sveitarstjórnarstigið.

Á ráðstefnunni fengu þátttakendur kynningu á sveitarstjórnarmálum og þeim fjölbreyttu hlutverkum sem ungmennaráð gegna innan sveitarfélaga. Einnig var kynnt hvernig ungmenni víða um land eru að vinna að spennandi verkefnum, hafa áhrif á ákvarðanatöku og stuðla að jákvæðum samfélagsbreytingum.

Haldið var öflugt málþing þar sem rætt var um reynslu, starfsvenjur og hvernig best sé að efla og styðja við starf ungmennaráða. Þá voru sveitarstjórnarkosningar til umræðu og hvaða málefni skipta ungmenni hvað mestu máli í dag – allt frá lýðheilsu og menntun til umhverfismála og aðgengis að íþrótta- og tómstundastarfi.

Í lok dags fengu þátttakendur fræðslu um verkefnið Barnvænt sveitarfélag frá UNICEF, auk kynningar frá RANNÍS um styrkjamöguleika og tækifæri sem ungmennaráð geta nýtt sér í framtíðarverkefnum.

Ráðstefnan markaði mikilvægan vettvang fyrir ungmennaráð landsins til að koma saman, læra hvert af öðru og styrkja stöðu ungs fólks í lýðræðislegum ferlum sveitarfélaga.

Grímsnes- og Grafningshreppur þakkar þátttakendum fyrir frábæra þátttöku og hlakkar til að sjá hugmyndir og lærdóm ráðstefnunnar nýtast í áframhaldandi starfi ungmennaráðsins.