Útboð - Miðsvæði og íbúðabyggð á Borg í Grímsnesi

Grímsnes- og Grafningshreppur óskar eftir tilboðum í:

„Vesturbyggð 1. áfangi“

Verkið felur í sér gerð á nýjum götum við Borg í Grímsnesi. Leggja á hluta af stofngötu (Miðtún) og tvo botnlanga út frá stofngötu (Borgartún og Lækjartún) auk göngustíga samsíða götum. Einnig skal leggja fráveitu og vatnsveitu að fyrirhugaðri hreinsistöð og leggja frá-, vatns- og hitaveitu meðfram Skólabraut að tengipunktum við núverandi kerfi. Verktaki skal jarðvegsskipta götustæði samkvæmt kennisniðum og leggja styrktarlag, burðarlag, malbika götur og gangstéttar ásamt því að steypa kantstein. Verktaki skal einnig leggja fráveitu, vatnsveitu, hitaveitu, reisa ljósastaura, leggja ljósastaurastreng, setja upp umferðamerki og mála vegmerkingar og ýmist leggja eða aðstoða við lagningu annarra veitulagna.

Helstu magntölur eru:

Gröftur:                       9.000 m³
Styrktarlag/fylling:   13.000 m³
Malbik:                       5.388 m²
Fráveitulagnir:           1.315 m
Vatnsveitulagnir:      800 m
Hitaveitulagnir:         806 m
Ljósastaurar:            25 stk.

Verkinu skal að fullu lokið 1. september 2024.

Útboðsgögn verða afhent á rafrænu formi frá og með miðvikudeginum 1. nóvember 2023. Þeir sem hyggjast gera tilboð í verkið skulu hafa samband við Bárð Árnason hjá Eflu á Suðurlandi með tölvupósti í netfangið ba@efla.is og gefa upp nafn, heimilisfang, síma og netfang og fá í kjölfarið útboðsgögnin send í tölvupósti.

Tilboðum skal skila á skrifstofu Eflu, Austurvegi 1-5, 800 Selfossi, fyrir kl. 11.00 fimmtudaginn 16. nóvember 2023 og verða þau opnuð þar að viðstöddum þeim bjóðendum sem þess óska.

Ragnar Guðmundsson
Umsjónarmaður verkkaupa