Sveitarstjórn

Ása Valdís Árnadóttir oddviti setti fund, bauð fundargesti velkomna og leitaði athugasemda við fundarboð, engar athugasemdir voru við boðun fundarins.
1. Fundargerðir.
a) Fundargerð 34. fundar Ungmennaráðs Grímsnes- og Grafningshrepps, 2. júlí 2025.
Fundargerðin lögð fram til kynningar.
b) Fundargerð 30. fundar Atvinnu- og menningarnefndar Grímsnes- og Grafningshrepps, 26. maí 2025.
Fundargerðin lögð fram til kynningar.
c) Fundargerð 1. fundar nefndar um frístunda- og menningarstarf, 15. apríl 2025.
Fundargerðin lögð fram til kynningar.
d) Fundargerð 2. fundar nefndar um frístunda- og menningarstarf, 9. maí 2025.
Fundargerðin lögð fram til kynningar.
e) Fundargerð 3. fundar nefndar um frístunda- og menningarstarf, 21. maí 2025.
Fundargerðin lögð fram til kynningar.
f) Fundargerð 1. fundar Samráðshóps um samfélagsstefnu, 19. febrúar 2025.
Fundargerðin lögð fram til kynningar.
g) Fundargerð 2. fundar nefndar um skólahúsnæði Kerhólsskóla, 21. maí 2025.
Fundargerðin lögð fram til kynningar.
h) Fundargerð 3. fundar nefndar um skólahúsnæði Kerhólsskóla, 3. júní 2025.
Fundargerðin lögð fram til kynningar.
i) Fundargerð 306. fundar skipulagsnefndar UTU, 9. júlí 2025.
Mál nr. 13 og 21 þarfnast afgreiðslu sveitarstjórnar.
Lögð er fram 306. fundargerð skipulagsnefndar UTU, dagsett 9. júlí 2025. Eftirfarandi dagskrárliðir þarfnast afgreiðslu sveitarstjórnar.
Mál nr. 13; Tröllahraun 12; Farborgir í landi Miðengis; Deiliskipulagsbreyting – 2507003.
Lögð er fram tillaga deiliskipulagsbreytingar sem tekur til breytinga á byggingarreit Tröllahrauns 12 L202182 í Grímsnes- og Grafningshreppi auk breytingar á almennum skilmálum er varðar byggingarheimildir innan frístundasvæðis Farborga í landi Miðengis. Í núverandi deiliskipulagi er tilgreint að á lóðum innan svæðisins sé heimilt að reisa geymslu, svefnhús eða gróðurhús þó ekki stærra en 40 fm. Eftir breytingu er gert ráð fyrir að innan lóða sé heimilt að byggja frístundahús, gestahús og geymslu/aukahús innan nýtingarhlutfalls 0,03. Einungis annað aukahúsið má vera til íveru.
Sveitarstjórn samþykkir samhljóða framlagða breytingu á deiliskipulagi svæðisins. Málið fái málsmeðferð á grundvelli 2. mgr. 43. gr. skipulagslaga nr. 123/2010 er varðar óverulega breytingu á deiliskipulagi og verði grenndarkynnt innan skipulagssvæðisins auk þess sem tillagan verði send sumarhúsafélagi svæðisins til umsagnar sé það til staðar.
Mál nr. 21; Afgreiðslur byggingarfulltrúa - 25-230 - 2506004F.
Lögð er fram til kynningar fundargerð afgreiðslufundar byggingarfulltrúa nr. 25-230.
j) Fundargerð 123. fundar stjórnar byggðasamlagsins UTU, 25. júní 2025.
Fundargerðin lögð fram til kynningar.
k) Fundargerð 86. fundar stjórnar Bergrisans, 23. júní 2025.
Fundargerðin lögð fram til kynningar.
l) Fundargerð 24. fundar stjórnar Arnardrangs, 23. júní 2025.
Fundargerðin lögð fram til kynningar.
m) Fundargerð 245. fundar Heilbrigðisnefndar Suðurlands, 20. júní 2025.
Fundargerðin lögð fram til kynningar.
n) Fundargerð 17. fundar stjórnar Byggðasafns Árnesinga, 24. júní 2025.
Fundargerðin lögð fram til kynningar.
o) Fundargerð 30. fundar framkvæmdastjórnar Héraðsnefndar Árnesinga, 22. apríl 2025.
Fundargerðin lögð fram til kynningar.
p) Fundargerð 31. fundar framkvæmdastjórnar Héraðsnefndar Árnesinga, 3. júní 2025.
Fundargerðin lögð fram til kynningar.
q) Fundargerð ársfundar Brákar íbúðafélags hses., vegna ársins 2024, 11. júní 2025.
Fundargerðin lögð fram til kynningar.
r) Fundargerð 623. fundar stjórnar Samtaka sunnlenskra sveitarfélaga, 6. júní 2025.
Fundargerðin lögð fram til kynningar.
s) Fundargerð 980. fundar stjórnar Sambands íslenskra sveitarfélaga, 27. maí 2025.
Fundargerðin lögð fram til kynningar.
t) Fundargerð 981. fundar stjórnar Sambands íslenskra sveitarfélaga, 13. júní 2025.
Fundargerðin lögð fram til kynningar.
u) Fundargerð 982. fundar stjórnar Sambands íslenskra sveitarfélaga, 16. júní 2025.
Fundargerðin lögð fram til kynningar.
2. Viðauki við þjónustusamning um skólaakstur fyrir skólaárið 2025-2026.
Lagðir fram og staðfestir samhljóða undirritaðir viðaukar við þjónustusamning um skólaakstur milli sveitarfélagsins og verktakanna Borg 805 ehf. og Guðmundar Jóhannessonar er annast aksturinn fyrir skólaárið 2025 – 2026.
Björn Kristinn Pálmarsson vék af fundi undir þessum lið.
3. Íbúðarhúsalóðir á Borg.
Oddviti fór yfir stöðu lausra íbúðarhúsalóða á Borg.
Sveitarstjórn samþykkir samhljóða að auglýsa allar lausar íbúðarhúsalóðir á Borg og samþykkir jafnframt að veita 50% afslátt af gatnagerðargjöldum fyrir Hraunbraut 4 út árið 2025 með vísan í 6. grein samþykktar um gatnagerðargjald í Grímsnes- og Grafningshreppi 806/2023.
4. Erindi KMH eigna ehf. til sveitarstjórnar Grímsnes- og Grafningshrepps, vegna Brekkur 15 L203875.
Fyrir fundinum liggur erindi dagsett 30. júní 2025, frá Jónu Vestfjörð Hannesdóttur, lögmanni fyrir hönd Halldórs Brynjars Halldórssonar, vegna afgreiðslu sveitarstjórnar á umsókn um skilmálabreytingu á deiliskipulagi innan Grímsnes- og Grafningshrepps, nánar tiltekið vegna Brekkur 15, L203875.
Sveitarstjórn samþykir samhljóða að fela lögmanni sveitarfélagsins Óskari Sigurðsyni að svara erindinu fyrir hönd sveitarstjórnar.
5. Aðalfundargerð Umf Hvatar, starfsskýrsla og ársreikningur 2024.
Lagt fram til kynningar.
6. Ársskýrsla og ársreikningur Skógræktarfélags Grímsnesinga 2024.
Lagt fram til kynningar.
7. Tilkynning um fyrirhugaða niðurfellingu Minni-Borgarvegar (3761-01), Grímsnes- og Grafningshreppi, af vegaskrá.
Lagt fram til kynningar bréf frá Vegagerðinni, dagsett 8. júlí 2025 þar sem tilkynnt er fyrirhuguð niðurfelling Minni-Borgarvegar (3761-01) af vegaskrá.
8. Sinfó í sundi.
Fyrir liggur bréf frá Sinfóníuhljómsveit Íslands, dagsett 23. júní 2025, áminning vegna beinnar útsendingar í sundlaugum landsins frá sjónvarpstónleikunim „Klassíkin okkar – Söngur lífsins“ stórtónleikum Sinfóníuhljómsveitar Íslands og RÚV þann 29. ágúst klukkan 20:00.
Lagt fram til kynningar.
9. Samkomulag milli ríkis og sveitarfélaga um börn með fjölþættan vanda.
Fyrir liggur bréf frá mennta- og barnamálaráðuneytinu dagsett 27. júní 2025, samkomulag milli ríkis og sveitarfélaga um börn með fjölþættan vanda. Samkomulag þetta varðar ábyrgð á rekstri og kostnaði búsetu barna með fjölþættan vanda utan heimilis.
Lagt fram til kynningar.
10. Styrktarsjóður fyrir sveitarfélög í þágu farsældar barna.
Kynning mennta- og barnamálaráðuneytisins dagsett 4. júní 2025 á styrkjum til sveitarfélaga til verkefna sem stuðla að aukinni velferð og farsæld barna. Styrkirnir eru hluti af aðgerðum stjórnvalda í áætlun vegna ofbeldis meðal barna og gegn börnum.
Lagt fram til kynningar.
11. Bréf frá Söngsveitinni Tvennir tímar, 22. júní 2025.
Fyrir liggur bréf frá Sigurlaugu Angantýsdóttur, formanni söngsveitarinnar Tvennir tímar, dagsett 22. júní 2025. Fyrir hönd Söngsveitarinnar Tvennra tíma þakkar hún kærlega fyrir þann hlýhug og velvilja sem þeim hefur verið sýndur með styrkjum til starfsemi kórsins.
Lagt fram til kynningar.
12. Mennta- og barnamálaráðuneytið kynnir til samráðs mál nr. 126/2025, „Áform um breytingu á lögum um grunnskóla, nr. 91/2008 (snjalltæki)“.
Lagt fram til kynningar.
13. Dómsmálaráðuneytið kynnir til samráðs mál nr. 114/2025, „Frumvarp til laga um almannavarnir“.
Lagt fram til kynningar.
14. Dómsmálaráðuneytið kynnir til samráðs mál nr. 122/2025, „Áform um rafræna og stafræna málsmeðferð hjá sýslumönnum og dómstólum“.
Lagt fram til kynningar.
15. Umhverfis-, orku- og loftslagsráðuneytið kynnir til samráðs mál nr. 106/2025, „Drög að stefnu um líffræðilega fjölbreytni“.
Lagt fram til kynningar.
16. Félags- og húsnæðismálaráðuneytið kynnir til samráðs mál nr. 124/2025, „Áform um frumvarp til laga um breytingar á lögum um réttindagæslu fyrir fatlað fólk, nr. 88/2011“.
Lagt fram til kynningar.

Ekki fleira tekið fyrir og fundi slitið kl. 10:25.