Fréttir

Að undangenginn verðfyrirspurn hefur verið samið við Verkís um gerð nýs deiliskipulags sem tekur til 15 hektara svæðis vestan við Skólabraut. Öllum lóðum á Borg hefur verið úthlutað og er stefnt á að nýjar lóðir verði úthlutunarhæfar haustið 2023.

Sveitarstjórn hefur samþykkt að senda til skipulagsnefndar nýtt deiliskipulag fyrir miðsvæði vestan við Skólabraut. Svæðið hefur fengið heitið Miðtún.

Rafmagnslaust verður í lækjabakka þriðjudaginn 11.10.2022 frá kl 10:00 til kl 12:00 vegna vinnu á háspennukerfi. Vegna þessa verður vatnslaust eða lítill þrýstingur í landi Ásgarðs, Búrfells og byggðum meðfram Búrfellsvegi meðan dælur eru ekki virkar.

Verið er að vinna í dæluhúsi í Hraunborgum í dag 11.10 og má búast við minni þrýsting í Borgarveitu á meðan. Reiknað er með að vinnan klárist fyrir kl. 16. Beðist er velvirðingar á óþægindum.

Sveitarstjórn hefur samþykkt að senda til skipulagsnefndar nýtt deiliskipulag fyrir íbúðar- og landbúnaðarlóðir á hluta af golfvelli í landi Minni-Borg. Mikil eftirspurn er eftir lóðum í sveitarfélaginu og öllum skipulögðum lóðum hefur verið úthlutað.

Umhverfisstofnun hefur gefið út nýjar leiðbeiningar fyrir minni fráveitur. Fyrri leiðbeiningar voru frá 2004 og þótti tímabært að uppfæra þær og bæta við upplýsingum um fleiri fráveitu- og salernislausnir. Leiðbeiningarnar eru ætlaðar einstaklingum, byggingaraðilum, hönnuðum og rekstraraðilum og eru unnar af EFLU.