Fréttir

Þann 12. júní 2025 var formlega undirritaður samstarfssamningur milli Grímsnes- og Grafningshrepps og Leikfélagsins á Sólheimum. Undirritun fór fram á Sólheimum þar sem Fjóla Steindóra Kristinsdóttir sveitarstýra og Þorvaldur Kjartansson, formaður leikfélagsins, skrifuðu undir fyrir hönd aðila.

Grímsnes- og Grafningshreppur hefur ákveðið að ráðast í sölu á lausafjármunum sveitarfélagsins í gegnum vefuppboð á vegum umboðsaðilans uppbod.com. Með þessari leið er stefnt að því að tryggja aukið gagnsæi í meðferð eigna sveitarfélagsins, bæta aðgengi almennings að söluferlinu og finna eldri munum nýtt og gagnlegt líf í annarra höndum.

Nú er komið nýtt tækifæri til útivistar og hreyfingar á Borg – glænýr strandblaksvöllur hefur verið settur upp og er öllum íbúum sveitarfélagsins, sem og gestum og gangandi, frjáls til afnota.

Helgina 7.-8. júní síðastliðinn hélt Skákskóli Íslands námskeið fyrir krakka í 2.-5. bekk grunnskóla, á Borg í Grímsnesi. Gauti Páll Jónsson sá um námskeiðið.

Þessa dagana er verið að vinna í endurnýjun á múrverki á Félagsheimilinu á Borg.

Þessa dagana er verið að vinna í því að endurnýja þök á stjórnsýsluhúsi og sundlaug.

Kæri íbúi, Sveitarfélagið Grímsnes- og Grafningshreppur vinnur nú að heildstæðri greiningu á frístunda- og menningarstarfi í sveitarfélaginu. Í mars 2025 var skipuð sérstök nefnd sem hefur það hlutverk að skoða núverandi starfsemi og aðstöðu og leggja fram tillögur að framtíðarfyrirkomulagi – með þarfir íbúa að leiðarljósi. Við viljum heyra frá þér.