Fréttir

Í dag var undirritaður samningur um leigu jarðhitaréttinda í landi Snæfoksstaða í Grímsnes- og Grafningshreppi. Undirritunin fór fram í stjórnsýsluhúsinu á Borg þar sem þau Hreinn Óskarsson, formaður Skógræktarfélags Árnesinga, og Fjóla St. Kristinsdóttir, sveitarstjóri, undirrituðu samninginn fyrir hönd aðila.

Opnun nýju líkamsræktarinnar á Borg fór fram í gær við góðar undirtektir íbúa og gesta. Áætlað er að gestagangur hafi verið vel á annað hundrað manns yfir daginn, en stór hluti gesta sótti jafnframt HSK þing sem haldið var í Félagsheimilinu Borg síðar um daginn.

Fjölmenni sótti opið hús í nýju stjórnsýsluhúsi Grímsnes- og Grafningshrepps á Borg fimmtudaginn 19. mars síðastliðinn, en húsið hefur nýlega verið tekið í notkun eftir að hafa hlotið fullnaðarúttekt.

Heilsuvika í Grímsnes- og Grafningshreppi, sem fram fór dagana 16.–22. mars, tókst afar vel og var þátttaka íbúa góð í fjölbreyttri dagskrá vikunnar. Í vikunni var boðið upp á margvíslega viðburði með áherslu á hreyfingu, heilsu og vellíðan. Þar má nefna opna æfingatíma, íþrótta- og fjölskylduviðburði, heilsubótargöngur auk fræðandi fyrirlestra um svefn og næringu. Markmið vikunnar var að hvetja íbúa til aukinnar hreyfingar og vekja athygli á þeim fjölbreyttu möguleikum sem standa til boða í sveitarfélaginu þegar kemur að heilsueflingu og tómstundastarfi.