Fréttir

Vegna vinnu við dreifistöð verður rafmagnslaust í hluta Grímsnes frá kl. 10:00 til kl. 12:00 þann 14.7.2026. Mögulega kemur rafmagn á í stuttan tíma meðan á framkvæmd stendur vegna prófana. Nánari upplýsingar veitir stjórnstöð í síma 528 9000. Kort af svæðinu má sjá á rarik.is/rof

Þjóðhátíðardagurinn var haldinn hátíðlegur á Borg með fjölbreyttri dagskrá fyrir alla fjölskylduna. Dagurinn hófst á fyrsta hjóladeginum, þar sem gaman var að sjá hversu vel tókst til þrátt fyrir krefjandi veðuraðstæður. Fjöldi barna tók þátt í skemmtibrautinni, prófaði sig áfram á hjóli og fékk einnig tækifæri til að setjast á hestbak. Þá tóku 11 þátttakendur þátt í tímatöku í hjólabrautinni og fengu allir þátttakendur ís frá Kjörís að lokinni keppni.

Í tilefni þjóðhátíðardagsins verður Gamla Borg opin gestum og gangandi miðvikudaginn 17. júní frá kl. 12:00 til 16:00. Kl. 12:15 flytur oddviti sveitarstjórnar stutta ræðu og að henni lokinni gefst gestum tækifæri til að ganga um húsið og kynna sér þetta sögufræga kennileiti á Borg.

Í dag, 9. júní 2026, var undirritaður samningur milli Grímsnes og Grafningshrepps og HR smíði um byggingu Björgunarmiðstöðvar á Borg. Undir samninginn skrifuðu Fjóla St. Kristinsdóttir, sveitarstjóri, og Hilmar Ragnarsson fyrir hönd HR smíði.