Fréttir

Fjölmenni sótti opið hús í nýju stjórnsýsluhúsi Grímsnes- og Grafningshrepps á Borg fimmtudaginn 19. mars síðastliðinn, en húsið hefur nýlega verið tekið í notkun eftir að hafa hlotið fullnaðarúttekt.

Heilsuvika í Grímsnes- og Grafningshreppi, sem fram fór dagana 16.–22. mars, tókst afar vel og var þátttaka íbúa góð í fjölbreyttri dagskrá vikunnar. Í vikunni var boðið upp á margvíslega viðburði með áherslu á hreyfingu, heilsu og vellíðan. Þar má nefna opna æfingatíma, íþrótta- og fjölskylduviðburði, heilsubótargöngur auk fræðandi fyrirlestra um svefn og næringu. Markmið vikunnar var að hvetja íbúa til aukinnar hreyfingar og vekja athygli á þeim fjölbreyttu möguleikum sem standa til boða í sveitarfélaginu þegar kemur að heilsueflingu og tómstundastarfi.

Finnbogi Pétursson (f. 1959) hlaut á dögunum Íslensku myndlistarverðlaunin árið 2026 fyrir sýninguna Skjálfta í Listasafni Árnesinga.

Í dag var stigið mikilvægt skref í uppbyggingu öryggis- og viðbragðsþjónustu í Grímsnes- og Grafningshreppi þegar fyrsta skóflustunga var tekin að nýrri björgunarmiðstöð við Þinggerði 1 á Borg í Grímsnesi. Fjöldi gesta mætti á staðinn til að fagna þessum tímamótum.